【記者盧勁業報道】香港人使用智能手機十分普遍，人人機不離身，頻密地查看手機留言及電郵。根據外國研究，若每天查看手機34次以上，每10分鐘查看一次，可能已有手機癮。有社工指出，青少年上網成癮問題已演變成手機成癮。精神科醫生提醒，如使用手機致日常生活出現病態，例如對手機聲響產生幻覺，便應立即求診。
八成人會不自覺查看
任文職的Vivian經常不自覺查看手機，「舊老細好鬼死惡，成日留意手機有冇響，驚聽漏或者聽遲電話俾佢鬧。出街人哋部機響，好緊張，以為係自己部機，覺得自己好病態」。她轉工後情況有改善，但仍機不離身，不時拿出iPhone上網及查看電郵，「冇咗部手機周身唔自在」。
記者到旺角、銅鑼灣及中環等鬧市作街頭訪問，40多人中，八成人表示經常不自覺拿出手機查看未接來電及短訊。從事教育界的Michelle因「擔心miss咗朋友嘅call」經常看手機；推銷員王先生頻密查看手機，擔心「失call」得失客人；學生Kayan則機不離手，「每隔10幾分鐘就會攞出嚟睇一次，如果出街就拎住部機，一路行一路click」。
有市場調查機構發現，香港青少年擁有手機比率是亞洲區最高，達87%，12至14歲初中生擁有手機的比率更達93%。香港家庭福利會社工王鎮耀表示，青少年上網成癮問題現已演變成手機成癮；作為駐校社工的他發現，可上網的智能手機影響青少年的問題越來越嚴重，「好多學生上堂嗰陣會忍唔住睇YouTube同sendWhatsApp（短訊），如果用唔到手機，或者上facebook上載新相後冇回應，冇人畀『like』，就會感到焦慮同煩躁，甚至情緒低落」。
若影響生活便應求醫
惟他發現，家長對子女使用智能手機的負面影響敏感度不足，有學生被家長禁用電腦，卻擁有iPhone，「結果個學生就係匿埋喺被窩上網，第二朝起身冇精神影響學業，同屋企人少咗溝通，關係差咗」。
他提醒，學生購買手機的錢大多來自家長，家長要認知到智能手機等同一部小型電腦，須留意子女是否自律地使用。
精神科醫生陳仲謀表示，港人使用手機越來越頻繁，行街、等車及坐港鐵都機不離手，上癮也不自知。如若廢寢忘食地玩手機，連日常生活如上班、睡覺或考試也受影響，又或經常查看手機是否有來電或訊息，甚至幻聽手機聲響等，都有可能是手機癮症狀，情況嚴重者應盡快求診。