郭晉安昨日到灣仔出席嬰兒用品展，安仔熟練地示範冲奶，談到囡囡以雅，安仔笑說：「佢近排幾好呀，啱啱擺咗滿月酒，好多朋友問BB點解咁大，仲以為我哋擺緊百日宴，可能媽媽餵得佢好好，有足夠嘅人奶，我諗佢家都有成10磅。」安仔還笑說：「哥哥經過咗個暑假，真係大個咗好多，好似變咗個老人精，佢下個禮拜返學，成日提住我哋要照顧番個BB，成日都學我講嘢，所以我好小心提醒自己，要畀啲最好嘅嘢佢，但係唔係物質嘅嘢，係思想同行為。」
稍後安仔將返無綫拍《鍾無艷》，年尾才會到內地拍劇，問他會否減少返內地工作，他說：「其實有咗經驗，所以今次刻意安排兩個月時間照顧初生BB，等屋企人適應咗，之後安排照舊，都要搵奶粉錢。」
採訪、攝影：何慧斯