荷甲上周五開鑼戰，飛燕諾（圖）新帥朗奴高文腳頭甚佳，第一場領軍就贏精英隊2:0。朗奴高文上任前話明會破舊立新，呢場波正選就有6個荷蘭21歲以下國腳壓陣，果然活力十足。今個夏天由精英隊加盟嘅古安費南迪斯，第一場就倒戈，仲喺下半場初段先開紀錄，以入球明志。之後精英隊嘅雲史連素擺烏龍送禮，飛燕諾想唔贏都難。