任達華、趙碩之等人噚日到土瓜灣出席車行開幕活動，華哥大讚自己個司機從來唔飲酒，佢又覺得現時醉駕嘅懲罰太輕，華哥話：「我唔係針對洪天明個女朋友（周家蔚），其實所有人飲完酒都唔應該揸車，我認為最少要停牌兩年、罰十萬，或者捐層樓出嚟做公益，先可以有阻嚇作用。」另外華哥奉勸大家飲完酒之後最好坐的士，因為既方便又安全。