曹格同師妹李幸倪以及蘇永康，噚日喺土瓜灣出席新城音樂會綵排，平時鍾意夜蒲嘅曹格，唔知會唔會帶師妹去酒吧玩？佢話：「小師妹搬咗嚟香港住，應該係佢帶我囉，而且我唔鍾意夜蒲，只係鍾意飲酒，我好耐冇去呢啲場合。」康仔都話唔會帶後輩去呢啲地方玩，佢話家都好少去酒吧玩，就算去到都少同陌生女仔影相，因為都怕女朋友唔開心。