繼港澳辦主任王光亞暗批特首曾蔭權後，中聯辦副主任黎桂康昨日亦公開要求商界支持競爭法。不少泛民主派人士指接連有中央官員對特區內部事務指指點點，顯示負責港澳事務的中央官員不再「遮掩」，稍後會越來越直接插手干預港務，並會影響中央對下屆特首及管治班子人選，力保影響力不減。
讓外界知道有話事權
有泛民中人指，港澳辦及中聯辦過去一直插手香港事務，但通常只在幕後「發功」，甚少在台前干預，因此王光亞及黎桂康相繼發言並不尋常，「以前佢哋只會講大原則嘅嘢，除咗政改，係唔會特別針對某啲政策表態」，因此該泛民中人同意資深政壇中人李鵬飛分析，指事件反映港澳辦與中聯辦有意爭奪香港政策的執行主導權，「所以佢哋唔再掩飾，總之要畀外界睇到，佢哋對香港政策有影響力、可以話事」。
該泛民中人估計下屆特首產生前，港澳辦及中聯辦必定更加「高姿態」，影響中央對下屆特首及管治班子人選，「就算特首人選唔到佢哋話事，都要推最多自己人同友好入新管治班子，鞏固各自影響力」。
《蘋果》記者