【本報訊】本報日前揭發尖沙嘴一間蠱惑茶餐廳設一國兩制收費，收取旅客較貴價錢，事件曝光後，餐廳知衰統一收費，但卻乘機加價，劃一收取旅客價，變相加兩成，價錢亦較同街其他餐廳明顯貴逾一半。
食客：加幅太離譜
被指以兩款標價不同的餐牌分別招呼本地食客及旅客的新源粉麪茶餐廳，用中國數字花碼標價「恰旅客唔識睇」的陰招被踢爆後，日前知衰將枱面的餐牌標價改回阿拉伯數字。但價格卻與之前專給旅客看的貴價餐牌一樣，即大幅加價。如一碗潮州四寶麪由40元加至48元，鮮蝦雲吞麪由25元加至33元，整體加幅最少兩成。
過往曾光顧新源餐廳數次的本地食客任先生，昨在該餐廳醫肚後向記者表示餐廳加幅「太離譜」，他吃了一碗三寶麪及一杯凍檸樂，埋單60元，他氣忿難平說︰「以前（價錢）都唔係平，家仲要加咁多，有冇搞錯。以後都唔會再幫襯。」
本報昨致電新源餐廳欲求證加價一事，一名男侍應稱老闆不在，並拒絕回應，只惡言相向指記者多事。