【記者伍雅謙報道】馬頭圍道劏房大廈無情烈火，造成四屍五命的慘劇，令55歲的黎學文痛失妻兒。日前，他獲房屋署恩恤安置入住曾是愛妻朝夕盼望的公屋單位，而今只剩他孤單入住。
「裏面啲嘢我唔要喇」
他帶着幾張貼身收藏的家庭照片，與舊居道別，到新居開展新生活。明淨的居所不會有孩子的笑聲，但妻兒的笑臉永留文叔心中，成為他生存下去的動力。
「如果時光倒流，梗係唔揀劏房，但有得揀咩？」打算重展新生活的文叔，在搬入新居前到舊居走一趟。拖着沉重的腳步，一邊步上舊樓石梯，一邊細看梯間各處，似要把景象烙印腦中。他在二樓略作停留，望着應是妻兒當日倒下的位置，然後步上四樓單位。
踏入昔日與家人一手建立的小天地，外面雖然艷陽高照，惟室內仍漆黑一片。百餘呎的劏房狹小凌亂，然而陋室之中，曾滿載溫馨記憶。
匆匆一瞥，文叔已將大門關上，「裏面啲嘢我唔要喇」，說完轉身便走，不再回首，眼角已泛起點點淚光。文叔表示，火災後曾與警方回舊居一次，今次是最後一次，他說：「以後我唔會再返嚟喇！」
文叔隨即帶記者到新居，從舊居步往紅磡邨，約10分鐘路程。單位面積約一百平方呎，屬單人公屋。新舊居面積相若，惟以往的劏房卻住了一家四口，原本還有一條小生命正要加入。文叔想到此不禁嘆息，「新居環境梗係好好多，仲望到鯉魚門海景，太太一直想搬入呢條邨，申請公屋六年，終於住到心水地方，剩番我一個……」。
「有錢有屋但冇家人」
事發後月餘，文叔一直表現堅強，然而說起當日慘劇，依然傷感，「當日啲火喺下面燒，太太如果唔係向下走，向上走可能冇事，佢抱住個仔又走唔快，最後得我一個出返嚟，只可以話係命運」。
他告訴記者事發後收到不少善心人捐款，為家人辦理殮葬後，仍餘下廿多萬元，其中有11,500元為《蘋果日報》讀者的捐款，他嘆一口氣：「家有錢有屋但冇家人，我情願冇錢。」
文叔曾被燒傷的雙腳仍未完全康復，需定時覆診。除了身體的創傷，還需靜待時間洗刷內心傷痛。原本任職燒焊工人的他表示，待身體康復即重投工作，過人生的另一階段。
