以寸嘴出名的o靚模何佩瑜（Jeana），今昔樣貌和上圍有天淵之別，變臉技巧高超。前晚Jeana和同樣變臉成功的余曉彤（Hidy）出席首映，兩人死口否認臉上曾施工。當被要求發誓時，Hidy第一時間高舉手指，相反一向寸嘴的Jeana突然縮沙左閃右避，最後才勉為其難求其了事。
四處辣火頭的Jeana被發現早年的樣貌和身材跟現時有天淵之別，同門的Hidy早年的樣子更十足「阿叔」林尚義，粗眉耷眼，難怪惹來變臉疑雲。前晚Jeana和Hidy到尖沙嘴出席電影《3D藍精靈》首映，Jeana照晒不倒胸出現，Hidy則玩大露背。
狂寸Phoebe唔靚
提到一眾o靚模今昔樣貌，Jeana矛頭直指死敵許穎（Phoebe）笑說：「十足魔法擂台，各師各法，好magic。」但Jeana也是其中一人，她說：「我係減肥所以唔同，由130磅減到103磅，瘦咗冇咁腫，加上又識化妝，冇咗唔變就奇。」上圍有否不同？Jeana說：「其實以前仲大，家反而細咗，只係pushup效果，我會戴兩個nudebra。」Jeana聲稱若真的整容，她想先整太尖的鼻頭，把它整得圓一點。
Jeana被Phoebe寸胸太硬和反地心吸力，Jeana反寸她說：「有邊個揸過先？唔識答，唔知佢想點。」再提到Phoebe的樣貌有很大分別，Jeana毫不客氣說：「佢個樣唔靚，我真係唔知佢有冇整。」Hidy則堅稱自己沒有整容，聲稱只是當年年紀小，沒有化妝和修眉而已。
忽然縮沙口窒窒
當提議Jeana找醫生證明沒有整容，或搞擂台驗明正身，一向寸嘴的她突然縮沙口窒說：「OK，可以考慮吓。」記者又叫Jeana和Hidy舉起三隻手指發誓沒整容，Hidy第一時間舉起手指，反而Jeana表現愕然，死也不高舉三隻手指，後來才勉為其難舉起，卻把手背反過來。記者指這不算發誓，Jeana說：「吓，我真係想整個鼻喎。」最後她面有難色說：「如果我以前有整，就變大肥婆。」
同場的HotCha被問到同公司的鄭融因爆粗被無綫封殺，她們說：「佢無心之失，佢份人好真。」
採訪：馬建華
攝影：陳順禎