汪明荃（阿姐）和羅家英等昨日到九龍灣綵排下周三舉行的粵劇《德齡與慈禧》，今次《德》劇已是第三度公演，不過現時票房仍未爆滿，阿姐說：「因為冇人包場，不過我哋10月中會去加拿大做，亦都為宣明會籌款。」
李居明已道歉
由於近日阿姐忙於綵排，加上之前頻撲一輪，她坦言聲線頗為疲累，現場家英哥也十分體貼，即時遞上食物，又為阿姐搬座椅，阿姐透露前幾日更嚴重得不能開聲。
此外，日前李居明彈阿姐唱功麻麻，她坦言不介意，並說：「佢第二日已經透過啲人同我道歉，話自己冇講過，唔會唔開心，人要進步，幾好都有人唔鍾意啦，佢知我唱成點先同我寫劇本，不過佢未必睇過我做粵劇，今次都會請佢嚟睇。」而問到有關拉姑、霆鋒時，阿姐即封嘴避談。
採訪、攝影：王連連