肉模何佩瑜（Jeana）、余曉彤（Hidy）、黃榕、日模松岡李那和樂隊Mr.等，昨日在中環出席活動，一班肉模繼續拋胸搶鏡。Jeana日前反手發誓冇整容，有發假誓之嫌，她說：「（發誓）咁嚴重嘅，我都做晒囉，大家輕鬆啲啦！」
「又唔係我男朋友」
Jeana大談神獸卡潮語，和其他o靚模劃清界線，她說：「『悉尼老鼠』嗰班朋友，我唔會理佢哋做乜，如果人哋話我，我就去驗身，咁話我變性，我咪要去驗埋性別？我係真材實料！」她死撐謂不怕驗身，也不怕發誓，她說：「唔係怕，係好悶，我冇呢啲時間去做呢啲咁『有意義』嘅嘢，冇必要跟住人哋方向去做。」問她可會叫同場的Hidy為她驗胸，以證清白？她反應甚大說：「我唔會畀佢掂我，又唔係我男朋友，我唔會立亂喺街俾人掂，我會叫非禮！」
肉模鬥性感、搞是非互谷宣傳，成功搶到不少工作，Jeana承認今年收入大增，半年賺了六位數。Hidy說：「我唔介意sell身材，運動健康性感咪得！」
採訪：盧妹
攝影：陳志嵐
