模媽Mia（陳靜儀）與郭秀雲兒子錢景峰分手後，她為了照顧家人而休息半年，差點被列為失蹤人士。眼見同期的Jeana（何佩瑜）和Hidy（余曉彤）發展不俗，今年更加入出寫真行列成為風頭人物，Mia坦言要努力工作追時間，決定不拍拖、努力工作和專心照顧爸爸，並且視周秀娜為目標。
合作拍電影
講到周秀娜被圍攻，Mia說：「其實唔係話圍攻，我覺得人一定要進步，我只係當佢係一個榜樣，超越佢係好多女仔嘅理想，所以我都會向呢個理想進發。」
坐言起行的Mia早前演出電影《熱浪球愛戰》，更以醜女造型上陣，她笑說：「今次係我第一次拍電影，我唔介意做醜女，反而覺得幾特別同挑戰，做醜女可以忘我，唔使顧住個樣，做戲嗰陣可以放啲，其實我嫌自己唔夠醜，仲問導演點解唔將我化得醜啲。」
採訪：何慧斯
攝影：陳志嵐
陳靜儀Profile
Mia
年齡：22歲
三圍：32B、24.5、34.5
簡介：新8模成員之一，更是一對子女之母，曾與郭秀雲兒子錢景峰拍拖，早前演出電影《熱浪球愛戰》，預計在9月推出影相app。
資料來源：《蘋果》資料室