緋聞多多的林峯早前被發現與藍莓（劉俐）夜蒲，兩人在夜店更十指緊扣態度親暱，難怪即時傳緋聞，而劉俐又被揭多張私照，當中她咀男又咀女兼有疑似床照。前晚劉俐演出無綫騷，就死撐和林峯沒拖手，兩人僅是普通朋友，又聲言怕林峯fans誤會，強調他不是自己杯茶。
林峯早前夜蒲時被發現與劉俐態度親密，兩人更十指緊扣，並傳出緋聞，早前林峯已率先否認。前晚劉俐到紅館演出無綫騷「鄉議局與民同樂85年」，當被追問和林峯緋聞時，她即渾身不自然說：「我同佢唔熟o架，唔知點解有咁嘅古仔。」談到被發現與林峯十指緊扣，劉俐死撐謂：「冇，角度問題啫，我只係同佢sayhi同bye咋。」
按摩拍攝床照
劉俐聲稱怕被林峯fans誤會，並說：「之後都冇見過面，亦冇通電話，我哋冇交換電話號碼，唔需要。」問劉俐有否被林峯chok樣電暈？她說：「冇，佢係好，但佢唔係我鍾意嘅類型。」
不過，劉俐卻被起底，被發現一批私照，當中她咀男又咀女，更有一張疑似床照，劉俐解釋：「嗰啲係facebook嘅相，大家只係錫面，但啲字眼寫到好肉酸。」至於疑似床照，劉俐指是到深圳按摩時的相片，她又聲言沒被公司「照肺」問話。
阿細否認追仔
草蜢前晚亦有份演出，近日傳蘇志威（阿細）老婆劉小慧疑有喜，又指她是為要綁實老公，對此阿細說：「佢冇大肚，唔明點解咁寫，真係冇嘢回應。」阿細坦言因工作很多，未計劃再追囝囝。同場的陳偉霆（William）早前在內蒙拍新戲《五行攻略》，要和真正的相撲手對打，由於言語不通溝通不夠，結果被對手撻傷背部，幸沒大礙。稍後William會到日本拍攝，問他會否穿日本相撲手的傳統露股服裝？他說：「其實我屁股唔係咁靚，加上又答應fans唔再有咁多露肉演出，所以考慮搵替身。」
採訪：王連連
攝影：葉君海
