【本報訊】中國第一肥童「小肥」盧志豪上周現身本港動漫節，風頭蓋過不少動漫女郎。《蘋果》記者日前到順德探訪小肥，驚悉小肥苦盼良久的弟妹「小小肥」已胎死腹中。幸得逗人喜愛小肥整天黏着媽媽撒嬌，盧太忙於照顧小肥，終放下傷痛。盧太輕摸小肥臉頰，嘆道：「可能個天都想我照顧好佢先！」
牙籤拮酸梅當魚蛋
記者踏入門口，只見小肥埋頭寫功課。現時115磅的小肥減去27磅後動作靈活多了，不過同樣愛吃，趁媽媽走開，即抓起桌上酸梅用牙籤拮着吃，津津有味說：「我食緊魚蛋呀！」幼兒園沒有暑假，小肥仍得上學，但盧太每天都會帶小肥到河邊游泳減肥。
問及小肥未出生的弟妹，盧太笑容隨即黯淡下來，摸着肚皮說：「個BB冇咗喇。」盧太說，早前常感暈眩，下體時有出血，「醫生話個胎陀得唔係幾穩」，盧太遂辭工養胎。惟月前到診所檢查，發現兩個多月大的胎兒已沒心跳，「醫生話要做人流（人工流產）拎走個BB」。
現喝補酒調理身體
全家上下一直為新成員興奮不已，小肥常嚷着：「我淨係抱我妹妹o架咋！」，盧太：「一開始我真係接受唔到，用咗好一段時間至慢慢走出陰霾……後來有人同我講，做媽媽，都要睇緣份，同BB做唔做得成母子，唔到我強求。」小肥年紀尚幼，問他「知唔知媽媽唔開心呀？」他即扁嘴投訴：「媽媽晚晚飲酒，但係我冇得飲！」盧太失笑，澄清只是喝補酒調理身體。小生命夭折，小肥爸爸盧業明嘆道：「都冇辦法」。至於會否再接再厲，「等佢（盧太）好返先啦！」