動漫節前日落幕，cosplay大賽得獎者已出爐，呂慧儀與高海寧兩位性感靚女前晚也湊熱鬧，於無綫錄影節目扮華麗使者及春麗，呂慧儀比高海寧略為性感，低胸露腰，惜因繫上金屬腰帶，勒出少許肥肉，但造型搭夠，搶盡鏡頭。
無綫兩位最肯性感的靚女呂慧儀及高海寧，前晚於將軍澳電視廣播城錄影《亞洲網絡遊戲大獎頒獎典禮》，同場還有陳嘉桓及苟芸慧等。呂慧儀、高海寧、宋熙年及糖妹等大玩cosplay，其中高海寧扮春麗封胸露腰，不及低胸露腰的呂慧儀性感，可惜呂慧儀腰間露出肥肉，大打折扣。
貪靚無懼刮損
呂慧儀前晚擔任主持，一身藍色女戰士造型示人，低胸加露腰，但因腰間要繫上一條金屬腰帶，以至咇出少許肥肉，她表示：「我呢個造型叫華麗使者。」問到何以不夠性感？她謂：「等陣要表演，我驚好多嘢跌出嚟呀。」談到腰間的肥肉，呂慧儀說：「係，郁一郁都會刮損，所以成晚都要挺胸收腹。」有沒有刮損胸部？她說：「為咗靚，刮損都冇法子啦。」
高海寧的一身春麗裝不夠呂慧儀性感，她說：「我唔係收起性感，只係要表演打功夫同打觔斗，唔可以太性感，我為咗似春麗，要學擺甫士，要入型入格。」
高海寧怕走光
是否收錢出騷才肯性感？高海寧說：「唔係，安全緊要啲，要打前空翻呀。」她謂本來有試穿短裙，但不安全易走光，故才穿長褲。
陳嘉桓接受訪問表示不會玩cosplay，又說：「同我唔襯，但如果玩騷長腿都可以試吓。」是否怕身材不夠？她說：「我身材夠自己用，唔鍾意pushup，自然啲好啲。」
採訪：卓寶花
攝影：葉君海