現年65歲、已退休的黃太（化名）與丈夫居於觀塘一私人屋苑，單位面積約500平方呎，是八年前子女合資逾200萬元購入，送給兩老安居。不過，黃太當年遷出原居的公屋單位後，沒有將單位交還房署，卻租予一名親戚，至今沒被房署發現，她說：「間屋丟空又冇用，嗰時有個親戚剛剛結婚，咪畀佢住囉，只要每個月幫我交租就得。」
黃太早年與丈夫結婚後，因經濟環境欠佳，向房署申請公屋，獲編配黃大仙一個公屋單位。子女長大後各自另覓居所，又合資購入一個私人屋苑單位給兩老居住。
租客遇鄰居訛稱訪客
黃太搬入私樓後，明知「出租」公屋單位違法，又不想丟空單位，「親戚買唔起樓，咁我間屋又冇人住，我哋唔講就冇人知啦，家又有人幫我交租，一舉兩得」。
有出租公屋的「過來人」則向非法租客教路：「返工放工都未必撞見到鄰居，見到咪話嚟探親戚，你冇做乜缺德嘢，一般都唔會懷疑你，亦都唔會舉報你。」該人士更透露，為了掩人耳目，有些戶主會不時返回公屋單位，「樓下看更見到佢（戶主）出入，打吓招呼咁又過到骨」。《蘋果》記者