【本報訊】中央遲遲未開口表態，令特首選戰更加白熱化。政務司司長唐英年與行政會議召集人梁振英的支持者更已各自搖旗吶喊率先造勢。決定強攻的梁營暫時佔上風，唐營卻深信唐英年始終是中央心儀的「真命天子」。政治一日都嫌長，李鵬飛奉勸唐營別太「老定」，「以為坐定粒六只係『一廂情願』」。
雖然外間一直流傳唐英年最終會成為中央「欽點」接班人選，但李鵬飛卻認為傳言未必屬實，指「如果唐英年咁穩陣，其他人、尤其係梁振英都唔會咁勇啦」。李鵬飛透露截至目前為止，來自北京的「中間人」仍然向政界收風，「仲問緊我哋究竟有無第四個甚至第五個人選」，不排除最後有更多人士表態參選。
選戰將「繼續混亂」
身為節目主持人的李鵬飛不便評論個別人選優劣，但他勸告唐營別以為唐英年「坐定粒六」，因為至今距離明年3月選特首尚有七個月，政治卻是一天都嫌長。他深信特首選戰未來將「繼續混亂」，笑稱：「至少兩大陣營仲有更多人企出嚟，阿棋（陳永棋）實拉多啲人出嚟挺唐，各陣營都會出嚟講對家嘅壞話。」
無論由誰接任特首，李鵬飛都寄語下屆特首必須精挑細選包括行政會議成員在內的管治團隊，因為特區始終靠整個管治團隊集體領導，並期望未來特首搞好特區政制問題，「呢個問題已經唔可以再拖」。