吳綺莉正式回流返香港定居，仲為無綫生活台主持清談節目，不過可能佢想繼續保持住喺上海冇咁緊迫嘅生活環境，所以買咗大埔嘅村屋住，相信係貪佢較市區清靜。噚日吳綺莉同三個女性喺屋企門外傾偈，雞啄唔斷，傾咗幾分鐘就入埋屋傾。足足傾咗成個鐘後，吳綺莉親自揸車送幾位朋友到大圍火車站，然後再單拖返屋企。