雖然政圈內不少人認為唐英年甘願在過去14年放棄家族生意、投身政府，目前位至政務司司長，當上特首指日可待，但近期越來越多人與李鵬飛有同一意見，勸告唐營中人別太「老定」，更指唐英年的選情未必較其他熱門人看高一線。有挺唐人士透露，一旦唐英年不幸「墮馬」，或改捧全國人大常委范徐麗泰出戰，「替補」唐英年力戰梁振英。
有唐營中人指出，范太遲遲拒絕表明是否「去馬」選特首，其實只是靜待中央何時表態挺唐，暗地扮演唐英年的「替補」角色，指出「其實范太最初已經話咗支持唐英年，但係冇人可以保證佢（唐英年）唔會墮馬。萬一唐英年真係唔掂，范太先會出馬去選」。
以關係力壓梁振英
有知情人士指出，以范太與北京的良好關係，以及不少政黨對她的「好感」，再加上她與前任律政司司長梁愛詩等深受中央信任的人士關係友好，相信唐英年若不幸「墮馬」，范太這名「替補」人選足以力壓梁振英。
而走勢凌厲的梁振英，相信不會輕言棄選。熟知梁營人士稱，梁振英早於2009年開始部署選特首，曾經拜會不少中、港兩地有份量政界人士尋求支持，相信不會輕易退出，「佢好早已經部署爭取選委支持，佢做咁多嘢，點會咁易放棄，尤其佢自覺能力上一定好過唐英年，更加唔好講乜政策都冇嘅范太！」 《蘋果》記者