史高斯（左圖左）復出？唔係，只係佢呢個廿四孝老竇日前為囝囝（小圖）嘅U12足球隊踢籌款賽，先代表教練隊出賽，上半場就領先9:3；去到下半場，佢就同其他小朋友嘅爸爸組成老竇團，掉轉槍頭同教練隊對陣，睇見史高斯同其他老竇張合照，佢嘅隊友有大肥佬，又有白頭佬，成隊雜牌軍似搞笑多過踢波，相信佢哋一定慶幸有機會同鼎鼎大名嘅前英格蘭國腳、曼聯球星並肩作戰。話就話並肩作戰，史高斯基本上獨撐隊波，為老竇隊連中三元最後都輸9:12。
至於史高斯前效球隊曼聯（圖左），禮拜二亦喺法國友賽馬賽，前曼聯門將巴夫斯亦為紅魔把關，不過最終曼聯喺起勢換人情況下完全冇隊型，輸2:8。