吳君如前晚46歲生日，開心有工開，與老友黃偉文等一齊在銅鑼灣出席時裝活動。君如坦言女細老公老，收到囡囡送的心心生日卡，心都甜，坦言最緊要身體健康，與現年48歲的老公陳可辛一齊看着女兒陳是知成長。
裝名店MariaLuisa前晚在銅鑼灣舉行2011秋冬時裝騷，法國時尚教母MariaLuisa來港坐鎮，吸引了吳君如、黃耀明、張燊悅和潮人黃偉文等捧場。
女兒畫一家三口
前晚46歲生日的吳君如，全身Givenchy現身，她一聽記者恭喜即說：「哈，我一把年紀喇，都好低調冇乜慶祝，下午都係同個女去上暑期班，個女包咗一嚿舊玩具畀我當生日禮物。」她指女兒陳是知（Jill）愛吹蠟燭，所以買了一個小蛋糕，每人吹四支，她說：「一齊慶祝，大家都四歲囉。」
君如謂女兒寫了一張生日卡給她，令她心都甜：「上面寫住JillJilllovemama，畫咗三個心，三個X，仲畫咗我短髮嘅樣。個女成日都畫畫，最鍾意畫一家三口。」君如指老公陳可辛（Peter）不在港，自己生日願望只是身體健康，她說：「家女細老公老，我成日同Peter講，要keep住身體好啲，先可以睇住個女大。」
冇同嘉玲傾生仔
早前有指一直恨生兒育女的劉嘉玲，在吳君如介紹下，5月赴美國找代母生仔，劉嘉玲事後在網上否認說「瞎掰」（亂講的意思），君如都表示沒介紹過：「代母邊有得介紹？我冇同佢講過生仔嘅嘢，成日講係會有壓力，我都好憎身邊嘅朋友成日叫我生多個。」潮人黃偉文就和君如在派對後慶祝，至於禮物，他說：「佢話乜就乜，對於呢啲錢又有、幸福家庭又有，獎又拎埋嘅人，真係好難諗。」
同場的張燊悅就指自己只捨得花錢裝扮老公，更踢爆老公愛着舊衫：「老公連中學時代嘅衫都照着，90年代嗰啲都有，仲試過拎老爺嘅tuxedo嚟着㖭。」
採訪：盧妹
攝影：林德雄