【本報訊】不斷被梁振英陣營「㩒住砌」的政務司司長唐英年，昨天終獲死硬支持者、全國政協常委陳永棋出手相助，向梁營大反擊。陳永棋力撐唐英年雖然「口窒窒」甚至「講錯嘢」，但說過的話卻能實踐，暗諷梁振英「講得出做不到」，又預告有關唐英年的「傳聞」陸續有來，因為唐英年呼聲最高，「有人唔想佢做o架嘛」。 記者：許偉賢
繼市建局主席張震遠力挺參選後，行政會議召集人梁振英日前亦獲恒隆地產主席陳啟宗「幫拖」，於報章訪問中狠批唐英年「一世未做過成功的事」，又暗責唐「冇腦」。梁振英昨天出席施政報告座談會時罕有地對參選特首的提問一概不回應，但出席同一場合的陳永棋卻不甘唐英年「捱打」，向梁營全面反擊。
陳永棋反駁指，唐英年過去14年放棄家族生意服務政府，由行政會議成員升任至政務司司長，絕非陳啟宗所說的一事無成。他又稱，唐英年雖然口才不佳，「講嘢有陣時係口窒窒，用詞不當」，但「呢啲都係值得原諒嘅」，繼而指「佢好多樣嘢唔係講得多、而係做出嚟；佢唔出聲，但係好多樣嘢可以實踐」，暗撐唐英年「講得出做得到」，與「齋噏」的梁振英有別。
「人才唔怕俾人㩒住嚟打」
陳永棋又大讚唐英年負責任地緊守司長崗位，意有所指地稱：「如果佢唔係坐喺呢個位，佢可以講好多嘢啦。」他更稱真正的人才「唔怕俾人㩒住嚟打」，預告有關唐英年的傳聞與暗箭陸續有來，「越有機會、越好機會嘅人，傳聞會越來越多，（因為）亦都有人唔想佢做o架嘛」。
原定本月8日才銷假上班的唐英年，提前在本周五復工，不過與近日連串針對他的政治攻擊無關，只是要出席特別行會，討論外傭爭居權問題，而據知他不會回應有關參選特首的事或一切政治傳聞。有唐營中人透露，可預見會有越來越多人挺身為梁振英吶喊助威，極力為梁造勢。
另一積極考慮參選特首的全國人大常委范徐麗泰，昨日在商台節目《左右大局》中反駁陳啟宗指她從政無功績言論，「如果話咁多年我都冇講過一句說話、冇做過一件事，好多香港市民都唔會同意啦」。她更暗指三十多歲便當上基本法諮詢委員會秘書長的梁振英是愛國愛港陣營「表表者」，自己也是「後期」才加入，在這方面遠遜梁振英。
