「動漫Maggie」李曼筠失蹤一陣子，昨日她和貝安琪一齊在觀塘apm商場出席活動，李曼筠擠出事業線，樣子和之前又有出入，問她可是整容？她即說：「我之前減肥，後來又肥番啲，同埋化妝叻咗啫。」她繼續否認說：「我冇整呀！我仲有乜嘢要整呀？身體髮膚受諸父母，唔好整囉。」
自認過氣o靚模
藝人變靚，通常是先放長假，李曼筠之前都失蹤幕前，她說：「我一直喺香港，淨係6月生日去咗台灣旅行。」她謂不怕被人懷疑放長假是被包養：「唔會啦，包都包家嗰啲啦，我呢啲幾年前囉。」對近期o靚模Jeana等被指整容加工，她就一派以和為貴的口脗：「我唔識佢哋，個個都五官端正，藝人係娛樂人，靚啲都係娛樂人啫。」
採訪、攝影：盧妹