【本報訊】「中國人好忌騷擾先人，正常嘅都唔會做呢啲嘢」，眼見先人金塔被毀，村民感到憤怒及無奈，紛紛指摘刑毀金塔者，但由於踏入農曆七月盂蘭節，據俗例不宜安墳，因此村民只好用膠袋封着損毀的金塔，待盂蘭節過後才安葬先人。
其中一名村民陶小姐稱，其父母墳墓的墓碑今年初曾被扑爛，昨日金塔又被擊毀，「做出呢啲嘢嘅人，識唔識得尊重先人，有報應o架」。謝先生則指「有幾大仇口都好，都唔應該搞人墳墓」。
堪輿師司徒法正指，從玄學角度看，農曆七月鬼門關大開，確是不宜安墳，待農曆八月，後人可擇日安葬先人，同時要有法師做法事，祈求先人保佑。
他又指，毀壞金塔及墳墓是非常惡毒行為，「破壞人哋祖宗山墳，對自己運程都有影響。」