若果話《MonsterHunter》讓男玩家打到熱血沸騰，那麼《MonsterHunter日記の貓貓艾路村》必讓女玩家愛不釋手。可愛貓貓艾路，與一班貓朋友四處狩獵，打得暴力又可愛！新作《MonsterHunter日記の貓貓艾路村G》中，艾路更會呼朋喚友來到強化版艾路村，浸溫泉，學習做村長。
記者：許福合
艾路貓住擴建村
最近芒亨系列，都愛在名字上加個G字做強化，今集《貓貓艾路村G》亦有相同效果。首先除咗前作登場過嘅77隻艾路貓外，G版會有更多新貓登場，甚至遊戲一開始，就可以讓用家DIY設計，花啲心思就可有隻私家貓！若然有《MHP3rd》Save，就可以將兩隻艾路貓拍檔請到艾路貓村長住，開展新生活！G版中艾路村會經過擴建，增加咗好多新設施，如一眼就見到嘅巨大貓地藏，累了可以去浸溫泉，還有新農場同廚房等，總之就係吃喝玩樂都有新搞作。
首嘗G級震驚
為了村莊繁榮，廣場中會有任務讓玩家完成，除咗一般狩獵怪物外，仲有收集原料等工作，例如接雪山任務，要應付Dodoburango雪怪，亦有新加嘅偷蛋及黃金魚等，種類相當豐富。至於一般戰鬥系列任務，同樣會使用團隊形式，玩家可以挑選合適的艾路貓來攻略，比較偏重策略為主。今集還加入有趣嘅震驚系統，當艾路貓遇到第一次經驗嘅事，就會出現驚訝表情，當驚訝程度達到G級，表情亦會變成G級震驚，相當有趣。
高難G級任務
隨住遊戲進行，玩家達成指定條件後，就有機會啟動特殊劇情。最簡單方法係提升職業技能，當其中一項職業達到G級，就有機會得到G勳章；將勳章裝備上後，頭上會出現勳章，能夠去接G級任務，主要有尋寶、捕捉蟲及狩獵等工作。G級任務難度一般會比較高，玩家亦可以選擇去管理村莊內設施，體驗不同貓生活。G版亦有通訊對戰，在與朋友進行對戰時，仲可以在貓地藏外種植代表友情嘅樹，連線對戰得多，友情加深，樹亦會快速長大，成為友情見證。
Profile
主機：PSP
類型：動作
推出日期：8月10日
遊戲人數：1人（連線4人）
廠商：CAPCOM
售價：$278（首批會附送日版艾路貓貓掛繩）
查詢：CAPCOMASIA（23661001）
網站： http://www.capcom.co.jp/monsterhunter/pokapoka_airuG/top.html