曾經係02年日韓世界盃成員嘅前日本國腳松田直樹（圖），禮拜二早上跟隨效力嘅非聯賽球隊松本山雅練習嗰陣，因為急性心肌梗塞，突然休克，送院途中曾心臟停頓，現時仍然喺搶救當中，主診醫生話情況十分嚴峻，需要用人工心肺嚟幫助血液循環。對於現年34歲嘅松田嚟講，舊年先被橫濱水手無情棄用，被迫要喺非聯賽球隊繼續球員生涯，已經夠坎坷，如今更加性命難保，真係黑到痹。