鄭融與鍾欣桐（阿嬌）的緋聞男友莊冬昕，前晚在中環舉行簽約NewayStar唱片的派對，林峯和HotCha等到賀，鄭融與阿嬌沒現身。莊冬昕謂與前女友鄭融各有各忙：「件事focus咗喺緋聞度，冇請佢嚟，我加盟得同公司都冇尷尬。」他謂與鄭融甚好朋友：「佢出碟我都有幫佢做歌。」
有指鄭融不肯來才遭公司雪藏，莊冬昕說：「唔覺得係，我知佢有好多嘢做。」他謂也沒邀阿嬌出席，問到與阿嬌關係，莊冬昕乾笑幾聲：「哈哈，唱片監製囉。」有冇追求阿嬌？他又笑：「哈哈，越答越黑。」
「鄭融發自己脾氣」
此外，鄭融日前對無綫節目主持爆粗問候人娘親一事，其唱片公司高層Kevin昨日接受電話訪問時解話：「佢唔係真係鬧人，只係發自己脾氣，做咗啲口形類似唔好嘅說話，係唔係粗口見仁見智。如要冷靜期會尊重TVB意見，鄭融星期六做新城音樂會，如果見到個主播會睇情況同佢解釋。」
採訪：王連連
攝影：黃偉雄