蔣怡同林曉峰早前喺有線娛樂台節目《美食法庭》跟泰籍廚師學整冬蔭雞，仲不停咁學廚師嘅泰國口音講嘢，有主持問師傅「靚仔」泰文點講，師傅問佢哋點解唔學埋「靚女」，點知林曉峰搶住話：「冇需要啦，呢度有靚女咩？」擺明無視蔣怡嘅存在，蔣怡當然唔服氣還擊：「我靚女早已經係公認嘅事實，唔使你哋講。」