34D露暈許穎（Phoebe）為出位博上鏡無所不用其技，前晚佢又以女僕look到灣仔酒吧捽碟，Phoebe一埋位即興起玩除衫，上身僅以白色泳衣示人，不過馮仁昭睇嚟睇去都覺得似胸圍多啲，似乎Phoebe唔擔心再發生非禮事件，不過佢咁鬼豪放，真係好易惹人犯罪。
寸Jeana不倒胸
Phoebe同死敵何佩瑜（Jeana）經常針鋒相對，前晚一提到Jeana寸佢硬闖動漫節被趕時，Phoebe即刻不屑話：「又係佢？咁鍾意搵人宣傳，畀佢宣傳囉，我入去動漫節玩cosplay，唔覺得唔守規矩。」Phoebe又繼續死撐自己冇喺動漫節被趕，又自爆今日會應新城邀請再入動漫節，但佢事先張揚到時只會少少性感，以免再被趕就好瘀皮。
對於Jeana被暴乳超蓮Iris爆料全身都整過，Phoebe自然再踩多一腳，更滔滔不絕話：「個胸大家都知，好明顯，其他就唔知，個胸都唔自然，其他人唔會咁，佢咁硬。」Phoebe仲玩自摸，即時摸自己個胸話：「你睇吓我係軟，佢係反地心吸力，不過自己都唔抗拒整容，但係唔會囉，最多用吓啲瘦臉產品。」
