兩年前發生六工人墮槽奪命意外嘅ICC環球貿易廣場，電梯又出「意外」。呢幢全港最高地標，估唔到只係入伙兩年，設施已經開始「神神哋」，噚日華華就親身經歷「驚心動魄」場面。
話說噚日下晝，新地（016）喺ICC嘅86樓搞記招，講大角嘴瓏璽嘅銷情兼開祝捷會。記招過後，華華同一眾行家由高層搭落地面，點知電梯去到11樓，突然chok咗三下就停低。唔知係咪因為呢幢樓高118層嘅摩天大樓，又有寫字樓、又有酒店，平日好多人出入，所以唔夠時間做應變演習，遇到困，揸嘅職員顯得有啲手忙腳亂。
足足困咗15分鐘，架先整好，眾人安全「降落」地面。出嗰陣，新地職員喺口派「定驚」水，兼問有冇人受傷或者唔舒服要求助，華華家陣諗番都一額汗。