上個禮拜五iBond（4208）正式登場，埋單收報106.70元，比起發行價高6.7%，唔計使費一手都有670蚊落袋，食咗糊嘅債民，話咁易就抵禦到一年嘅通脹，快過打針。
抽中8手夠買iPhone
iBond由認購到上市，畀唐牛嘅印象，其實同新股IPO冇乜分別──一樣有證券行提供孖展認購，一樣有暗盤市場，而且正式掛牌當日，居然都有可觀嘅升幅。唐牛冇抽iBond，不過就建議中咗獎嘅戰友快啲沽貨，皆因呢個特區政府做嘢永遠後知後覺，樓價唔見頂，都唔會諗住復建居屋，家益街坊推抗通脹債券，隨時又係一個另類指標。
唐牛計過，抽8手iBond都有五千銀執，已經夠買一部16G嘅iPhone4，唔想就咁使咗佢，又想繼續增值嘅話可以點做？梗係買唐牛早前誠意推介嘅領匯（823）啦！
唐牛