楊千嬅前晚在廣州體育館舉行演唱會，昨日是老公丁子高32歲牛一，千嬅號召全場近萬觀眾合唱生日歌賀老公，又特別苦練老公以前在組合VRF的快歌《寒冰掌》，得丁子高全程冧笑。
本月11日是楊千嬅和丁子高的結婚兩周年紀念，由於千嬅到時要在北京拍攝電影《春嬌與志明》，更留足一個月，所以近日丁氏伉儷如糖黐豆一樣，爭取夫妻見面時間。
前晚千嬅到廣州體育館舉行「Ladies&Gentleman世界巡迴演唱會廣州站」，除了老公和老爺奶奶外，千嬅60多名親友也拉大隊到場。原來昨日是丁子高的32歲牛一，千嬅刻意叫齊人即場為老公慶生日，現場近萬觀眾見到丁生出現，即時起哄狂呼丁生名字，更要勞動現場保安維持秩序，令丁生哭笑不得。
全場合唱生日歌
為了給老公驚喜，千嬅秘密苦練老公昔日在VRF組合的快歌《寒冰掌》，在個唱末段時播放《寒》MV，千嬅則在舞蹈員伴舞下表演，她笑說：「我家排舞老師係佢當年嗰個，呢件衫仲要係佢當年着嗰件㖭。」即時掀起全晚高潮，全場觀眾站立拍掌，又促丁生上台，搞到千嬅呷醋說：「玩過龍喇，我唱咗兩個幾鐘都冇你一個人坐喺台下咁好反應。」丁子高只得尷尬地向全場觀眾打招呼，最後全場觀眾一起唱生日歌，令丁子高冧爆。
前晚千嬅也邀請了劉浩龍（師兄）做嘉賓，兩人合唱《姊妹》，師兄坦言當初不明白為何會選唱《姊妹》，但記得之前許志安唱完呢首歌後，轉頭就與鄭秀文復合，所以他即說：「咁我希望好似傳花球咁，我唱完都好快有拖拍。」千嬅與師兄合唱時更險些跌倒，幸師兄眼明手快扶住她，才令千嬅沒在台上出醜。
DAD蛋糕被疑有喜
完騷後，千嬅即在後台為老公舉行驚喜生日派對，原來丁子高一早估到愛妻會演繹其舊作，更踢爆說：「之前聽到佢喺屋企廁所哼歌，但係驚喜派對就估唔到。」兩夫妻更在微博打情罵俏，丁子高自誇有偵探頭腦，所以估到愛妻的行動，但他不忙說愛你千嬅；千嬅也上載一張寫了「DAD」字的蛋糕照片，即時惹來粉絲揣測兩人有喜訊公佈。
撰文：林妃
