向來愛談工作的楊采妮，日前她為鑽飾品牌推廣「承諾分享」活動時，承諾出書分享心靈，並且透露已開始閉關寫以自己閱歷為藍圖的劇本。至於一向少談的感情事，她早前接受雜誌訪問時，自言跟邱韶智從沒分開過。
楊采妮上周為鑽飾品牌Forevermark推廣「承諾分享」活動，談到鑽石經時，她睇金也講心，她說：「鑽石可以保值，自己以前買鑽石會考慮好耐，唔捨得，不過諗起買畀媽咪，兩個都會開心。試過一個好友約我出嚟，講佢男友求婚，唔需要好大粒鑽石，細細粒好簡單已經好開心，所以收鑽石同鑽石背後嘅意義更緊要，要真心。」
開心不靠物慾
問到有否收過情人送的鑽飾，楊采妮說：「從未收過，試過有唔鍾意嘅人，送好貴重鑽飾畀我，因為我同佢之間冇打動我心嘅故事，自己唔敢收，驚佢誤會。」楊采妮注重承諾，希望今年可以出一本分享心靈的書籍，她說：「人大咗，越發現開心唔係靠物慾，人同人之間愉悅感覺仲緊要，所以自己希望去大自然作心靈之旅，將自己唔同階段，用文字影像帶出心底和平感覺。」
事業方面，曾為電影節執導預告片的楊采妮，希望再嘗執導筒滋味：「自己努力中，慢一步先再講，因為拍戲要同好多人有關係，要面對好多真實嘅矛盾，一啲都唔容易。家自己寫緊劇本，都係關於自己近年嘅閱歷。」
感情順其自然
此外，今年年頭曾傳出楊采妮與前男友邱韶智復合兼傳出婚訊，她接受雜誌訪問時說：「佢已經唔係律師，家讀書進修，我從來冇話過同佢分咗手。」至於人生大事，她表示沒跟邱韶智傾談將來，都是順其自然，兩人關係盡在不言中。
採訪：RitaLeung
攝影：ChanChiLam
服裝提供：MaxMara