皇家馬德里教練摩連奴（圖）上季因指球證喺歐聯4強戰偏幫巴塞隆拿，結果被歐洲足協罰停賽5場，緩刑1場，以及罰5萬歐元（約56萬港元）。日前佢出席上訴聆訊，雖然罰款不變，不過停賽場數就少咗，緩刑場數由1場加至2場，換言之只係要停3場。由於佢喺上季歐聯4強次回合坐咗1場波監，即係話喺新一季歐聯，只係缺席頭兩場分組賽。