前法國國腳中場皮利斯今夏約滿維拉後,暫時未有着落,不過佢就似乎好鍾意英國呢個國家,日前同埋老婆、兩個小朋友,一家四口喺倫敦行街街(圖)。佢望落仲好「弗」,一啲都唔似37歲,加上佢本身波底好,所以真係好條件踢英超中、小型球會。但如果佢喺英超冇着落,唔知佢會唔會好似前阿仙奴兼國家隊隊友韋托特咁,屈就落法乙呢?