政府提高環保車優惠，確係令唔少車迷都心動，雖然身邊唔少朋友都話轉揸環保車，不過實際有幾受歡迎真係唔知。不過Audi上星期（7月23及24日）喺尖沙嘴海港城海運大廈舉行Audi環保車展，兩日內就賣出超過200部車，銷量驚人之外，更厲害係售出車款中，唔少亦係環保型號，證明香港人真係有心為打造藍天出一分力。