香港人對英超特別着迷，英超勁旅車路士來港，昨日和阿士東維拉在大球場對決，吸引了大批球迷入場。明星名人球迷同樣熱切，殺入場感受現場競賽氣氛。
阿B父子睇波
賭王四房兒子何猷亨就帶女伴拍拖觀戰，兩人一齊坐Benz到大球場，猷亨一落車發現有記者大為緊張，兩人即時一個向左走，一個向右走，問他女伴是不是他的女友，猷亨詐聽不見，全無理會女伴，火速閃入場。
鍾鎮濤（阿B）和曾在英國留學的兒子鍾嘉浚兩父子睇波，他說：「唔係淨係陪個仔，我自己都鍾意睇波！」富豪官紳也不放過賽事，如和黃大班霍建寧、楊超成、余錦基等，余錦基入場時說：「我係熱刺迷，泰利踢得好好，費托就麻麻哋，都冇入波。」
採訪：梁錦雯
攝影：陳順楨