在仁愛圍巴士總站旁邊的「偉利模型」，對很多在觀塘成長的人來說都是不可多得的回憶：「以前啲人玩四驅車多，家都係玩Gundum了。」老闆陳先生自80年就在模型店工作，上任老闆退休後，他接手經營至今。陳先生慨嘆近年玩模型的人越來越少，「以前小朋友放學會嚟睇模型，嗰陣邊有咁多嘢玩！家個個都上網同打遊戲機。」
「十幾年前好多小朋友嚟，睇住佢哋細細個嚟買模型，到大個咗之後結婚生埋小朋友，都會帶埋自己個仔嚟一齊買生日禮物。有啲移民咗去外國好多年，但每次返香港都會返嚟幫襯，外國冇咁多呢啲嘢買嘛！」偉利模型的鎮店之寶是一隻「日之丸」木造船模型，陳先生珍而重之，「家已經好少有木造模型喇，通通都係膠造」。
茫然不知何去何從
裕民坊重建後，模型店何去何從？陳先生茫然：「好難喺市區搵到咁大地方嚟賣模型，租金貴成咁，啲貨又霸得多地方，點做？」現時他的店舖租金已由12,000元大幅加至最近23,000元。「附近啲人都已經搬走，仲收咁貴租，分明係迫遷！」
《蘋果》記者