林莉噚日化身成「Lady鬼鬼」到海洋公園宣傳哈囉喂活動，身穿5吋高踭鞋嘅佢坐喺一張大枱上出場，好鬼有氣勢，佢好開心咁話自己係第一個藝人做「Lady鬼鬼」，仲自誇外形同「Lady鬼鬼」好似，佢話：「一樣咁有權威同sexy，大家鬼火咁靚，今日都整咗成4、5個鐘，着埋高踭鞋成7呎高。」林莉話有男仔試過約去海洋公園玩，當時佢仲第一次收花，但最終兩人都只係做好朋友。