布力般流浪班球員最近幫印度老闆間凍肉公司拍咗個烤雞廣告，包括鄧尼同沙加度等，喺更衣室狼吞虎嚥咁猛食烤雞（圖），然後先抹嘴出場比賽。沙加度就呻，個廣告拍咗成8個鐘，點知出街就得番20幾秒，好彩拍攝過程都幾好玩。咁鍾意食烤雞，今次千里迢迢嚟到香港，唔知佢哋有冇順道幫襯吓啲烤雞店呢？