謝霆鋒張栢芝的離婚事件仍未解決，兒子Lucas和Quintus暫時由媽咪照顧。Lucas下周四歲生日，姑姐謝婷婷前晚自爆兩三個月沒見姪仔，公開透過傳媒表示想和Lucas過生日，不諱言霆鋒見仔也沒話事權，反而要向栢芝化妝師RickChin要求，婷婷更哀傷無奈希望姪仔不要太快長大。
水晶品牌Swarovski推出HelloKitty水晶系列，前晚在中環舉行首飾騷，謝婷婷、AliceB.和莊思敏等行騷，吸引大批年輕女星如木村乃、名人如陳嘉桓和王敏德女兒等出席。
買定吹泡槍慶生
自認是Kittyfans的婷婷，家中睡衣、飯煲也是Kitty。姪仔Lucas下周二便四歲生日，栢芝近期向劇組請假陪仔慶祝，化妝師好友RickChin表示會通知狄波拉，婷婷就謂未收到通知。
婷婷說：「希望啦，仲未收到通知，我好想一齊慶祝，好耐冇見佢，上年正日都冇一齊慶祝，家等緊消息。」她謂已在加拿大買了吹泡泡的槍給Lucas做禮物，問她可會將恨見Lucas的事暗示給霆鋒知道，她無奈說：「都會暗示畀哥哥知，不過哥哥可能都話唔到事，要暗示畀RickChin聽先得，但我冇佢電話。」她之後更透過傳媒，公開向Lucas傳話說：「姑姐好想同Lucas過生日呀！」
婷婷重提去年Lucas三歲生日，她和拉姑、四哥在coffeeshop送棉花糖蛋糕給Lucas，邊講邊扁嘴，有點傷心說：「希望Lucas唔好大得咁快啦，我見到佢，會攬到佢實一實，會忍住唔好喊，我知我會忍得好辛苦，兩三個月冇見，真係好掛住佢。」她又指霆鋒近期心情好轉，但未算開心。同場栢芝弟弟張豪龍前女友何紫綸就表示10月會出慈善相集，背部全裸，栢芝應承為她寫序：「佢近期心情都好，開始畫畫㖭。」
王晶指Lucas叛逆
此外，栢芝和Lucas一起演出的首部電影《無價之寶》前日在北京宣傳，兩母子都沒出席，導演王晶指栢芝未必亮相下月首映禮。提到Lucas的表現，王晶說：「Lucas小，比較叛逆。」王晶指Lucas有三代演員基因，對鏡頭感覺特別好，有場慶祝生日的戲，王晶說：「我跟他說過生日，他完全沒演，就認為自己在過生日，特別開心。」
採訪：LoMui、FayeLam
攝影：ChenWaiOn