古巨基前晚喺西貢為新歌《爆了》拍攝MV，唔知係咪想配合歌名仲專登搵咗上圍有32C嘅外籍女模、JessicaC師妹JulianaS.着三點式做女主角，唔知係咪泳衣唔啱身搞到佢大細胸兼漏奶，基仔同佢合照嗰陣有啲尷尬兼保持距離，反而Juliana就好主動咁搭住基仔膊頭影相，基仔話怕自己手汗多，所以先同佢保持少少距離，不過拍嗰陣都有拖吓手仔。
今次基仔做埋導演，至於係咪乘機親近性感火辣女模，佢就話：「當初都冇留意對方身材，亦都冇要求佢着三點式，都係美指安排。」
反窒祖兒13點
古仔仲話好彩冇乜親熱鏡頭，如果唔係真係怕視覺上爆了，唔知會唔會加番場兩人濕身戲，佢話：「睇吓拍到幾點先喇，太夜會凍就唔好喇。」不過睇真啲，女主角其中一個喺紙盒入面嘅造型，構思就有啲似日本男星速水直道喺劇集《機械夢情人》嘅機械人造型嘞。
講到之前同屬英皇嘅容祖兒暗寸佢，指佢話同英皇合作辛苦點知又續約，基仔好大方講：「我唔介意佢咁講，佢向來都係13點。」