古巨基、容祖兒（Joey）、張崇德、張崇基等前晚到將軍澳電視廣播城錄影《勁歌金曲》，因到內地拍戲而暴瘦十多磅的基仔，表示當地天氣炎熱，穿上古裝拍劇時更像焗桑拿一樣，他笑言稍後舉行個唱也毋須keep弗減肥。
對於有傳基仔以8,000萬續約英皇，他沒有否認，並說：「我啱啱返嚟兩日，要同公司再傾合約，未傾到尾，同呢間公司合作愉快，但好難講實一個數字，最重要合作順利，畀多啲假我。」
Joey愛鬥嘴
Joey早前寸基仔經常呻辛苦但仍然簽約，她前晚笑說：「我哋成日咁樣鬥嘴，我都有讚佢靚仔咗同瘦咗。」近日葛優和湯唯的名字被盜用作假微博，Joey自言冇得驚，但她會經常更改密碼，密碼更長達30字。
採訪：譚倩宜
攝影：葉君海