記者早前先後兩次趁假日到石澳泳灘觀察，第一天見泳灘旁的免費停車場早上8時多已泊滿車，霸地作收費停車場的貴叔、貴嬸則忙個不停，不斷向路經的車「招手」，生意甚佳。記者曾上前問價，並表示時租30元太貴，貴嬸隨即別個臉，一副「唔憂做」的態度，着記者到公共停車場：「咁你排吓先啦！」
「警察唔會理」
本周日（24日）記者早上8時再到石澳泳灘，只見舉着「P」字牌的貴叔、貴嬸正分頭招客，記者停車後，取過一張寫着「几回味」菜館名稱的泊車證，上面有記者的車牌和泊車時間。五小時後，記者離去時，貴嬸向記者收了150元泊車費。
記者曾問貴嬸，將車泊在行人路可會被抄牌，她二話不說道：「唔會，如果抄牌，三倍賠返畀你！」記者再問她為何不會被抄牌，她揚言該處是私人地方，「警察唔會理，唔會抄牌o架」。問她一日可泊多少車，貴嬸笑笑口說：「好難講，仲要睇阿姐心情，唔係個個畀佢泊o架，又寸又衰格我唔畀佢泊o架！」
現場所見，不少駕車人士「被迫」付款將車泊在行人路，有車主直言「當畀買路錢」。李先生一家四口約早上11時到達，以全日250元租用車位，問他停車場收費是否昂貴，他直言：「梗係貴！但嚟到唔通走咩？」
姚先生嫌停車場收費太貴，寧選擇將車泊到一公里外的石澳半山免費車位，再自行坐巴士折返泳灘，與家人會合。他批評，石澳泳灘部份免費車位被長期霸用，導致假日車位不足，今後不會再到石澳。《蘋果》記者