效力AC米蘭嘅巴西前鋒柏圖（左）早前同老闆貝盧斯科尼個女芭芭拉去度假，雖則佢俾女友攬到實，但就面黑黑咁，似乎一啲都唔享受。點解會咁，之唔係佢煩緊前妻比托啲嘢。話說柏圖喺離婚之後，每月要畀23,000歐元（約26萬港元）嘅贍養費，但佢就死都唔肯畀，於是前妻就告上意大利法庭。希望呢單嘢喺意甲開「咧」前搞掂，否則或會影響柏圖喺場上嘅表現。