今夏寫真浪潮觸發o靚模各出奇謀爭出位，今年博到盡出位o靚模何佩瑜（Jeana）四圍辣火頭，對前輩趙碩之（Wylie）更不留情面句句有骨寸到盡，Wylie未有退縮還直接反擊，評論Jeana身材無論真假，態度最重要，還大方表示希望可以看着Jeana進步。Wylie懶理口舌之爭還即場練拳keepfit，只見Wylie拳腳起勁有力，還狂抦堅硬的速度球，玩到汗流浹背，不斷高呼好爽，似發洩心中不快。
有份在書展推出寫真o靚模多不勝數，要突圍而出除了有實力也要靠聲勢，趙碩之今年再戰模界，即樹大招風惹來是非，儘管她早前為出書作好準備，日日練拳為求更完美體態示人，但仍不敵四圍辣人的何佩瑜對她一觸即發的言論。
自誇真材實料
Wylie特意剪了短髮又苦練打拳，揚言將野性一面來展現人前，可惜不獲後輩Jeana欣賞，反而受到惡意抨擊Wylie是墮胸女。不過Wylie自信十足說：「以前三年前出過寫真，當時唔識分寸，家大個咗，唔會亂辣人。」Wylie揚言擁有真材實料的，還評論Jeana身材無論真假，態度最重要，大方表示希望可以看着Jeana進步，不會與她斤斤計較。
擁34D、24、35弗爆三圍的Wylie今年為出書拚命，而且停戰三年的她身形比早年更加弗，Wylie說：「之前係比較肥啲，經過一段時間努力，對家身形好滿意，有一個新形象見人，希望大家鍾意我中性少少嘅一面。」在練拳期間只見Wylie拳腳起勁有力，又試玩速度球鍛煉速度，不消十分鐘已汗流浹背，不斷高呼好爽。
此外，趙碩之昨日在西貢坐遊艇出海為寫真集慶功，老闆林建名亦有出席。Wylie接受訪問時又大爆老闆打算送車獎勵她，惟自己卻未考車牌！對於Jeana自稱書展過後會走高貴路線，Wylie說：「拭目以待，如果佢行高貴都應該幾好睇。」
採訪：卓寶花
攝影：陳俊強
場地提供：香港鐵虎會