將於10月舉行首個處女紅館個唱的王菀之，為了令個唱音質達至頂級水準，所有資金均會投放在音響上，以免觀眾抱太大遐想，她坦言當晚將是個三無個唱：無性感舞衣、無華麗舞台、無嘉賓。至於王菀之視為重要人物的張敬軒，她希望軒仔能留在觀眾席欣賞。
在紅館舉行個唱，歌手除使出渾身解數，舞台佈置、特別效果、華麗舞衣也是缺一不可，但首次登陸紅館的王菀之（Ivana）卻寧可捨棄以上條件，堅持以音質行先：「我要一個好靚聲嘅演唱會，將最多嘅錢投放喺音響上，支咪都要係最好，我係少數以創作女歌手身份喺紅館開騷嘅，寧願減視覺上嘅嘢，都要以音樂行先。我唔排除就咁着T-shirt上台唱，當晚唔會有乜嘢爆煙花等，視覺只係一種輔助。」
首要護聲兼瘦身
為了這個名為水．百合王菀之香港演唱會2011，Ivana直言早在數年前已着手籌備，她說：「過去睇過好多資料，外國好少歌手開四面台，所以自己都偏向開三面台。」為養好聲帶，Ivana表示騷前的兩個月起，會減少說話：「對我嚟講，講嘢仲攰過唱歌，為保住把聲，演唱會前兩個月會停止做訪問，亦都唔會點講嘢，仲有就係要瘦身，要瘦過做舞台劇嗰陣！」
叫軒仔台下支持
問到會否邀請張敬軒當嘉賓？Ivana說：「我唔想好似一如以往嘅演唱會做法咁，重要嘅人都想佢做觀眾坐喺度睇，加上又怕請嘉賓會唔啱個唱個feel，所以未必會請嘉賓。」
採訪：譚倩宜 攝影：葉君海
化妝：MilkYuen
髮型：YoyoHuiofHairCulture
服裝：Beauty&YouthbyI.T.