在中港台三地均有名錶銷售點的亨得利，由於是市場上少有的奢侈品零售企業，故自05年上市以來，一直是很多想趕上「中國財富急速增長列車」的投資者愛股。不過，亨得利亦乘着這浪潮，6年來在市場上共「抽水」約55.57億元。
「投資界對亨得利又愛又恨！冇錯，上市以嚟盈利及營業額一直唔錯，但大家都好唔鍾意佢透明度低，同埋明明有錢賺，但就成日無喇喇配股、發CB，仲要特登夾高股價配股㖭！」一名基金經理說。
頻見負現金流
翻查資料，亨得利上市6年以來曾5次在市場「抽水」，總額逾半百億元，最近一次是去年9月，發行總金額約25億元的可換股票據，換股價為4.9524元。
一名外資分析員指出，市場對亨得利為何現金流經常維持負數很好奇，「亨得利管理層成日解釋，話係因為擴張同埋坐貨（名錶）等升值喎……舊年全年雖然變咗正數，但完全係因為舊年9月發咗批CB，扣返都係負數，唔知搞乜鬼」。