兩年前由古天樂、劉青雲及吳彥祖主演的電影《竊聽風雲》好評如潮，導演麥兆輝及莊文強食髓知味，《竊聽２》快將上映，莊文強坦言犧牲了不少腦細胞。
莊文強說：「投資者見第一集收得，一落畫已經叫我哋再拍，不過拍前傳又唔好睇，拍續集又好難，我原本係拍《竊聽3》個故事先，但寫到一半寫唔到，所以放埋一邊。今次係個全新古仔，淨係將竊聽嘅元素放番喺入面。」
說到《竊聽2》的必睇位，麥兆輝推介中環的一場爆炸場面：「申請好晒，點知遇到遊行要提早。假日喺中環拍爆炸真係好難，古天樂落車埋位，就已經有大堆自由行圍住佢影相。」
談到拍攝時趣事，莊文強說：「修哥成日扮儍扮懵恰Ken哥（曾江），有次Ken哥對稿講場戲應該係點，點知修哥即寸佢教人做戲。」
採訪、攝影：譚倩宜