無綫遊戲節目《變身男女ChokChokChok》的四位天使，包括ECup「吹波糖」白雲、DCup「棉花糖」劉蔚萱、「波板糖」魏采彥和「朱古力」陳芷尤，四女每集都以背心仔熱褲上陣，非常養眼。
對於今次被錢國偉點中，四位天使不約而同說：「其實各有各發展，冇話邊樣會好啲，我哋都係想吸收多啲經驗加入娛樂圈，不過好榮幸優先過港姐有呢個機會。」
白雲變身天使前曾經面試港姐，不過最後落敗而回，估不到又有另一個發展機會。重提當日面試港姐被冠上「怪胸人」稱號，白雲坦言不開心，她說：「唔係真o架，嗰日我刻意着得好密實，唔想胸部成為焦點，點知搞出咗個反效果，不過我冇睇過報道，係有朋友話畀我知，我唔開心都有幾個鐘，不過橫掂都寫咗，寫完咪算囉！」
正白旗後人
「吹波糖」白雲原名叫白雲鳳，原來她有滿州正白旗的血統，提到名字，她笑說：「之前有好多人笑我個名，因為有味餸叫白雲鳳爪，所以咪唔要個鳳字，保留番族譜個雲字，啱啱好叫白雲。」
採訪：何慧斯
攝影：葉君海
